Notre site internet vient d'évoluer, notamment pour rendre plus claire la présentation des résultats des recherches (toujours plus abondants à mesure que nous ajoutons de nouveaux inventaires). Il est possible que ces résultats ne soient plus cliquables sur votre écran. Pour résoudre cette difficulté, il faut taper ctrl+maj+suppr pour accéder au menu permettant de vider le cache. Pour votre téléphone, ou si cela ne fonctionne pas, il suffit, pour trouver la procédure, de rechercher "vider le cache", suivi du nom de votre navigateur, sur votre moteur de recherche favori.
Document 7 - Reconnaissance de fiefs de Hugues II de Chalon
22 juin 1388. - Chambre des comptes de Dijon.
Copie de 1402 d'une reconnaissance de fiefs de Hugues II de Chalon
Archives départementales de la Côte-d'Or, B 10475
Coppie/ En nom de notre seigneur, amen, l'an de l'incarnacion/ d'icelluy mil CCCC et deux, le darrain jour de may/, nous, Droin Mareschal et Jehan Bonost, coadiucteurs/ de Andry Estienne de Franay, tabellion de Dijon pour/ monseigneur le duc de Bourgoingne, faisons savoir/ à tous présens et avenir qui cest présent transcript/ verront, nous avons veu, tenu et leu de mot à mot/ unes lettres saines et entières de seel et d'escripture/ et non aucunement vicieuses, seellées en cire/ vermeille et en quehue double du seel/ de feu noble et puissant seigneur monseigneur Hugues/ de Chalon, jaidis sire d'Arlay, contenant la forme/ qui s'ensuit. Je, Hugue de Chalon, sire d'Arlay/ faiz savoir à tous que je confesse par ces présentes/ lettres moy estre homme liege et féal de très hault/ noble et très puissant seigneur monseigneur Phelippe/ mon très cher seigneur, filz du roy de France, duc de/ Bourgoingne, conte de Flandres, d'Artois, de Bourgoingne/ palatin, seigneur de Salins, conte de Rethel et/ seigneur de Malines, à cause de son conté de Bourgoingne/ et de luy tieng et confesse tenir en fief et en/ [...]
[...] houmaige ligement, ligement les forteresses/ chasteaulx, dongeons, bourgs, villes, noblesses, fiez/ rerefiez et les choses qui s'ensuigvent. Et/ premièrement, je tieng de mondit seigneur à/ cause que dessus les chasteau, dongeon, bourg, ville/ et forteresse d'Arlay assiz en la diocèse de Besançon/, ensemble la chastellenie, villes, villages, propriétez,/ terres, appartenances et appendisses, environ, fiefz/, rerefiefz, dominacions et seigneuries, usances, justices/ toutes ressors, batiz et franchises et tout ce entièrement/ que j'ay, tien et puis avoir et tenir es lieux, finaiges/ et territoires des villes cy après devisées, c'est assavoir/ Arlay, la ville de Courcelles, Chasoy (Chaze), Joyant (Juhans), Platenay/, Saint-Germain, Champ Dommange, Lombart, Vincent/, Machefain (Machefin), Froideville, Bestent, Requano le Grant/ et Requano le Petit (Recanoz), en hommes, en meix, en/ tenemens, en justice toutes jurisdictions haulte/ moyenne et basse, meis et mixte impere, noblesses/ dominacions et seigneuries quelxconques, en bois, en/ forestz, en estans, en moulins, en terraiges, rentes/, censes et en toutes et singulières autres choses et/ la garde que j'ay ou prieuré de Saint-Germain/ et celle que j'ay ou prioré du Sauvement à/ [...]
[...] cause de ce que moy y puet appartenir et généralment/ tout ce que je tien ; puis et doys avoir et tenir en mon/ domaine à cause desditz chasteau, dongeon, bourg/ et ville d'Arlay en ladite chastellenie, appartenances/ et appendisses d'icelle, en toutes et singulières choses/ quelconques et par quelque nom que elles/ soient nommées, spécifiées ou appellées. Item/ s'ensuivent cy après les fiez que l'on tient de moy/ à cause dudit Arlay et lesquelx je tien de/ mondit seigneur à cause de sondit conté de/ Bourgoingne. Et premièrement le fiez que tient/ de moy messire Jaques de Vergey, syre d'Autrey/ à cause de sa femme, c'est assavoir les chasteau/ et forteresse de La Murée, la ville dudit lieu, ensemble/ la chastellie, terres, usaiges, villaiges, appartenances/ et appendisses d'icellui, fiez, rerefiez, noblesses, seigneurie/ usances, ressors, batiz souverainnetez que ledit/ messire Jaques tient et doit tenir de moy à cause/ que dessus tant en fié que rerefié comme en/ autres choses quelxconques, ensemble les justices/ à lui esdiz lieux appartenans et ressortissans/ audit Arlay. Item le fié des chasteau, bourg/ et dongeon de l'Estoille que tient de moy/ [...]
[...] messire Vauthier de Freloiz, sire de Saint-Germain à/ cause de sa femme, ensemble tout ce que esdits/ chasteau et bourg, chastellenie, terres, villaiges/ appartenances d'icelles, justices, toutes usances/ dominacions et seigneuries, ressors, batis et/ souveraineté que ledit messire Vauthier tient/ et doit tenir de moy à cause dudit Estoille, en/ fié, rerefiez, tant à Plannoisal (Planoiseau), Quintigny/, Valières (Vallière), Mabourgal (Montbourgeau) comme ailleurs, estant des/ appartenances dudit Estoille en quelque manière/ que ce soit. Item le fié du chastel de Largillaiz que tient de moy messire Philibert/ seigneur de Boffremmont, ensemble la chastellenie/, toutes les appartenances, villes, bois, estangs/ noblesse, jurisdictions, usances, ressort, batiz/ et souveraineté, fiez, rerefiefz et autres choses quelxconques/ que à cause dudit chasteau me appartient, pevent/ et doivent appartenir, ensemble les justices esdits/ lieux appartenans et ressortissans audit Arlay./ Item le fié du chasteau de Montjay et la/ bassecourt dudit chasteau, ensemble la chastellenie/, les villes, boiz, estangs, fiez, rerefiez, noblesses/ [...]
[...] seigneuries, usances, ressort, batiz et souveraineté/ et autres choses quelxconques appartenans audit/ chasteau que tient de moy Estienne de Monsalgeon (Montsaugeon)/ ensemble la justice esdiz lieux appartenans/ et ressortissans audit Arlay. Item le fié de ce/ que messire Hugues de Veudrey tient de moy en/ ladite chastellenie de Montjay et généralement/ tous autres fiez et rerefiez que l'on tient et doit/ tenir de moy à cause dudit Montjay. Item/ le fiez du chastel de Jouceal que tient de/ moy Jaquemart de Villette à cause de Jehanne/ sa femme, ensemble les villes, hommes et/ femmes et autres choses audit lieu de Joucel et appartenances/ qu'il tient puet et doit tenir de moy tant en/ fié que rerefié, noblesses, seigneuries, usances/ ressort, batiz et souveraineté et autres choses/ quelxconques ensemble la justice audit lieu, appartenans/ et ressortissans audit Arlay. Item le fiez/ du chastel et forteresse de Coge (Cosges) que tiennent/ de moy chascun pour sa partie Jehan de Coge, alias/ Galafin, et les enffans de feu messire Jehan Galaffin/ jaidiz sire dudit lieu en partie, ensemble tout/ [...]
[...] ce que en ladicte ville dudit lieu, terres, appartenances/ et es appendisses d'icelles ilz tiennent et doivent/ tenir de moy tant en fié comme rerefiez/ en noblesses, seigneuries et dominacions, usances/ ressort, batiz et souveraineté et autrement, en/ quelque nature que ce soit, ensemble la justice/ à eulx audit lieu appartenans et ressortissans/ audit Arlay. Item le lié de ce que messire/ Jaques de Vienne syre de Longvy tient de/ moy à Beaulvoy et ce qu'il a à Chilley et/ es appartenances desdiz lieux en fiez, rerefiez/ seigneuries, juridictions, noblesses, ressors, batiz/ et souveraineté et autres choses en quelque manière/ que ce soit, ensemble les justices qu'il puet/ avoir esditz lieux, appartenans et ressortissans audit/ Arlay. Item le fié de tout ce que tient de/ moy messire Guillaume de Darbonnay à Arlay et en tout la chastellenie appartenances/ et appendisses d'icelle en quelque manière que ce soit. Item le fié de ce que messire Hugues/ de Vuillafans tient de moy audit Arlay...