Notre site internet vient d'évoluer, notamment pour rendre plus claire la présentation des résultats des recherches (toujours plus abondants à mesure que nous ajoutons de nouveaux inventaires). Il est possible que ces résultats ne soient plus cliquables sur votre écran. Pour résoudre cette difficulté, il faut taper ctrl+maj+suppr pour accéder au menu permettant de vider le cache. Pour votre téléphone, ou si cela ne fonctionne pas, il suffit, pour trouver la procédure, de rechercher "vider le cache", suivi du nom de votre navigateur, sur votre moteur de recherche favori.
Document 3 - Cartulaire du comté de Bourgogne
1347. - Chambre des comptes de Dijon
Copies de 1444
Archives départementales de la Côte-d'Or, B 10440 (Cartulaire 10)
folio 6v
Autre copie collotionnée comme dessus/
Donné pa(r) coppie soubz le seel de la prévosté de/ Coiffy le IXe jour d'avril mil CCC XLVII/ Jehan Gilet, lieutenant de noble homme/ monseigneur le bailli de Chaulmont, au prévost/ de Coiffy ou son lieutenant salut. Nous du/ commandement à nous fait par messires les commissères/ du roy notre sire envoiez oudit bailliaige pour requérir/ en icellui subside de gens d'armes, vous mandons/ et commandons expressément que le prieur de/ Saint-Marcel lez Chauvirey vous ne contraingnez/ ne souffrez estre contraint par quelque manière/ que se soit à paier aucun subside ou soubvencion/ pour la cause dessus dite car il a apparu à nos dits/ seigneurs et à nous et de certains privilèges/ de l'empereur que ledit prieur ay, que en telles finances/ il n'est compris aucunement, se gardent que deffaut/ n'y ait. Donné à Bar sur Aulbe, le XXIe jour/ d'avril l'an mil CCC XLVII./
Copie collotionnée comme dessus/.
Donné par copie soubz le seel duquel l'on use/
folio 7r
en la court de Jussey le mardi avant la Saint-Michiel/ l'an mil CCC LXXIX contenant la forme qui s'ensuit/. Philippe, filz du roy de France, duc de Bourgogne, au bailli/ de noz terres ou conté de Bourgoingne, salut/. Oye la supplication de frère Humbert de Poutiers/, prieur de la prieurté de la ville de Saint-Marcel/ lez Jussey, contenant que comme le Ve jour de ce présent/ mois de septembre, Perrinot, fils Jehan Muet dit le Hochebet, pourchier commun de ladite ville, gardast/ les porcs des habitans d'icelle ville ou finaige/ d'icelle, et au cry de l'un d'iceulx pors, trois truyes/ estans entre lesdits porcs ayent couru sus audit/ Perrenot, l'ayent abatu et mis par terre entre eulx/ ainsi comme par Jehan Benoît de Noroy qu'il gardoit/ les pourceaulx dudit suppliant et par le père dudit/ Perrenot a esté trouvez blessier à mort par lesdites/ truyes et si comme icellui Perrenot l'a confessé en/ la présence de son dit père et dudit Jehan Benoît, et/ asses tost après, il soit en mort. Et pour ce que/ ledit suppliant auquel appartient la justice de ladite/ ville ne feust repris de négligence, son maire/ arresta tous lesdits porcs pour en faire raison/ et justice en la manière qu'il appartient, et encore/ les détient prisonniers tant ceulx de ladite ville/ comme partie de ceulx dudit suppliant, pour ce que/ ledit Jehan Benoît, ils furent trouvez ensemble/ avec lesdites truyes quant ledit Perrenot fut ainsi/ blessié. Et ledit prieur nous ait supplié que/ il nous plaise consentir que en faisant justice/ de trois ou de quatre desdits porcs, le demourant soit délivré. Nous inclinans à sa requeste/, avons de gràce espéciale ouctroyé et consenty/
folio 7v
et par ces présentes ouctroyons et consentons que/ en faisant justice et exécution desdites trois treuyes/ et de l'un des pourceaulx dudit prieur, que le/ demourant desdits pourceaulx soient mis à délivre/, nonobstant qu'ils aient esté à la mort dudit/ pourchier. Si vous mandons que de nostre présente/ grâce vous faictes et laissiez joyr et user ledit/ prieur et autre qu'il appartiendra sans les empescher/ au grâce. Donné à Montbar, le XIIe jour de/ septembre l'an de grâce mil CCC LXXIX ainsi/ signé, par monseigneur le duc, J. Potier/.