Les Archives départementales seront fermées les mercredi 8, jeudi 9 et vendredi 10 mai 2024. Réouverture au public le lundi 13 mai à 8h30.
XVIe siècle. - Office du Roi de Bourgogne
Archives départementales de la Côte-d’Or, 1 F 30
Serement que prestent / ung chacung an les maires
de la ville de dijon apres / leur election, en leglise
parrochiale nostre dame / dud. lieu, sur le Sainct
cane [saint canon, saint évangile] en la presence du /
precieulx corps de n[ot]re / Seigneur Jesuchrist.
Premierement que de tout v[ot]re pouvoir / vous garderez lhonneur estat drois / prerogatives et noblesse du Roy n[ot]re / sire.
Item que vous garderez le bien honneur / estats drois privileges franchises et / libertes de lad. ville en la maniere / quils sont escripts et ainsy que lon / en a jouy et usé sans les souffrir / enfraindre en aulcune maniere par / le Roy n[ot]red. S.e ses gens officiers / et aultres.
Item que vous aimerez et cherirez / messieurs les eschevins vos co[m]paigno[n]s / et le bien et honneur deulx et escheverez [achèverez] / leur deshonneur et des aultres habitans / dud. dijon de tout v[ot]re pouvoir.
Item que vous ferez justice et / raison a tous le plus brief et / diligemment que pourrez et aussi / tost au pauvre qu’au riche sans / favoriser lung plus que laultre.
Item que vous ne condampnerez / aulcung en emende [amende] quelconque au / proffit de lad. ville ne daultres / particuliers fors [hormis] a bonne et juste cause.
Item que es jours ancie[nne]mme[n]t ordo[nn]es / a tenir le conseil de la ville et es / lieux ou lon a accoustumé le tenir / vous yrez et ferez assembler mesd. / srs pour tenir led. conseil toutes et / quantes fois que mestier [besoin] sera.
Item que toutes deliberations / qui par vous et lesd. eschevins seront / concluses et escriptes aud. conseil / vous les mettrez a execution sans / faveur ou emport daulcungs.
Item que en toutes choses qui concer- / neront lheritage de lad. ville vous / ny ferez rien sans ladvis conseil / et deliberation desd. eschevins et / du procureur de lad. ville.
Item que toutes amendes et / aultres deniers qui competeront [appartiendront] a / lad. ville, vous les ferez venir au proffit dicelle ville, sans en / receler aulcunes ne souffrir / appliques a aultre usage.
Item que vous ne ferez paier a / aulcung desd. habitans ny a aultres aulcunes Treizaines [unité monétaire valant 13 deniers] si elles / ne vous sont raisonnablement dehues.
Item que vous ne souffrirez aucune- / ment molester ny inquieter par les serge[n]ts de lad. ville ny aultres / aulcungs desd. habit[an]s ny aultres mais / les en garderez de tout v[otr]e pouvoir / sil vient a vostre congnoissance.