Notre site internet vient d'évoluer, notamment pour rendre plus claire la présentation des résultats des recherches (toujours plus abondants à mesure que nous ajoutons de nouveaux inventaires). Il est possible que ces résultats ne soient plus cliquables sur votre écran. Pour résoudre cette difficulté, il faut taper ctrl+maj+suppr pour accéder au menu permettant de vider le cache. Pour votre téléphone, ou si cela ne fonctionne pas, il suffit, pour trouver la procédure, de rechercher "vider le cache", suivi du nom de votre navigateur, sur votre moteur de recherche favori.
Document 5 - Siège du château de Vellexon
1410. – Fonds de la Chambre des Comptes de Dijon
Extraits du compte de Jean Perrot, commis du duc de Bourgogne pour le paiement des dépenses occasionnées, de septembre 1409 à janvier 1410, par le siège mis par les troupes du duc au château de Vellexon (Haute-Saône, cant. Fresne-Saint-Mamès).
Archives départementales de la Côte-d’Or, B 11877
S’ens(uivent) les p(ar)ties des despens et missions f(ai)c(t)es pour le fait du siege qui p(rese)nteme(n)t est de p(ar) mons(eigneur) le duc de Bourg(og)ne devant le chastel de Vallexon et paiez par Jehan P(er)rot, de Dijon, demora(n)t a Dole, (com)mis par mondit s(eigneur) et par ses l(ett)res patentes a payer ycelles missions.
Et p(re)mie(re)ment est assavoir que, ap(re)s ce que messeigneurs mareschal et bailliz d’amont et d’aval ou conté de Bourg(og)ne et aut(re)s nobles dud(it) conté ont eu advisez ledit chastel de Valexon, fut dit par eulx qu’il n’estoit point p(re)nable d’assault. Et pour ce fut deliberé p(ar) eulx qu’il conviendroit avoir des angins, canons, bombardes et aut(re)s choses neccessaires pour batre et desrouchier ledit chastel. Et aussi qu’il conviendroit faire les loigis et maisons des nobles et aut(re)s gens de (com)mu(n)es estans pour mondit s(eigneur) aud(it) siege. Et mesmement que, quant lesdiz angins, canons et bombardes s(er)oient prestz, il conviendroit faire bons gros manteaulx fors pour me[tt]re et asseoir au plus pres du chastel q(ue) bonneme(n)t f(air)e se pourroit, pour estre lesdiz gentilzho(m)mes et aut(re)s gens de co(m)munes desso[ubz] et a l’endroit desdiz manteaulx pour faire le gueit de jour et de nuit affin q(ue) nul n’yssit de la forte(re)sse qu’il ne fust incontinant p(ar) eulx reboutez ou p(ri)ns ; lesquelx manteaulx il convenoit faire de gros trez, jointis tels et si fors q(ue) ceulx qu’estoient en garnison oudit chastel ne peussent grever ou blecier les gens de mondit s(eigneur) des canons, bombardes ou aut(re)s trais dudit chastel. Pour lesquelx abillemens faire de bonne ch(a)rpent(er)ie de bois et aussi po(ur) traire et effeictier p(ier)res de canons, angins et bombardes, estoit neccessité demander de par mondit s(eigneur) et faire venir audit siege tous les chappuis et macons q(ue) l’on po(ur)roit finer ou conté de Bo[ur]g(og)ne esdiz bailliaiges d’amont et d’aval pour faire les choses dess[usdites]. […]
[…] Et aussi, pour faire pluis(ieur)s ferrures qu’estoient neccessaires pour lesdiz angins, fut advisé par les dessusdiz qu’il (con)venoit avoir neccessaireme(n)t deux forges ouvrans aud(it) siege et huit bons ouvriers de fev(re)rie, lesquelx bailliz d’amont et d’aval ma(n)d(er)ent et firent venir aud(it) siege incontina(n)t tous lesdiz chappuis et macons po(ur) faire les choses dess(usd)d(i)c(t)es et aut(re)s ouvraiges neccessaires et que leur s(er)oient ordonn(ez) pour ledit siege. Et ont fait venir huit […]